لأنى ماما اتكتب علي حاجات كتير
منه الى بعملو بدون تفكير ,منها الى بيحصللى لانه مقدر ومكتوب

لانى ماما ما بفكرش طول الوقت غبر فى هعمل اكل ايه
ايه الى بيحبوه وايه الى بيكرهوه

لانى مام بنزل اشوف محلات الاطفال وادور على حاجات ليهم
ويشغلنى اوى الموضه الجديده ليهم وعادى انى البس حجه موديل قديم

لانى ماما ...90%من كلامى عليهم وتفكيرى محصور فيهم
وطول الوقت غصب عنى قلقنه عليهم

لانى ماما اتكتب على ان ما ينفعش اتعب او اعيى لان م فيش
حد هيسد مكانى

لانى ماما اتكتب علي أنى بخاف من المووت اوى مش علشانى
لانى بخاف مين ممكن يربيهم من بعدى

لانى ماما اتكتب على عدم الراحه والاستمتاع بالحاجات الى تخصنى

لانى ماما أتعودت ان الى يفرحنى هى ضحكتهم وفرحتهم والى يزعلنى
تعبهم وشكوتهم

لانى ماما اتكتب عليا انى اكون ماما وعايش عشان هما موجودين
وبقى مقدر عليا انى افضل افكر فيهم طوول لوقت بدون تفكير..

البنت دايما بتكون واضحه والكل يقدر يحدد هى عايزه ايه لغاية 

ما تتجوز وتبقى أم بتبقى ميكس كل حاجه والعكس ..

بمعنى تبقى طول الوقت بتحاول تحافظ على جسمها ورشاقتها 

(فى اول الجواز طبعا) واول ما تبقى حامل

ويقولوها كلى علشان الى فى بطنك يتغذى (تاكل ليها ولعشره ) وتنسى الرشاقه تماما ..

ولو بتحب حاجه أأأوى اول ما تعرف انها ممكن تئذى ابنها بتحرمها 

على نفسها ..

عايشه علشان اولادها لكن طووول الوقت بتقول على الجواز والخلفه 

والى عايزنها ..

ما بتحبيش تسهر غير علشان تتفرج على التلفزيون وممكن تسهر 

بالاسبوع علشان عيالها عيان وما تفكرش تشوف التلفزيون اصلا..

جوزها ده ملكيه خاصه مش طيقاه وطووول الوقت بتقول الى خدته القرعه 

وأول ما واحده شايفه نفسها تبصله ولا تشاغله بتتحول لدراكولا 

ممكن ببساطه تقتلها وتشرب دمها بدل النسكافيه ..

طوول الوقت بتقوول نفسى ارتاح مش مستحمله العيال وخاليهم يغيبو عنها شويه تتجن ويوحشوها وترووح تجيبهم لو فين ..

دماغها طوول الوقت مصدعه من ولادها واول ما ينامو ترووح تقعد جمبهم وتبوس فيهم ..

ولادها عفاريت وشياطين متحركه وهى عارفه وواثقه من كده واو حد قال عليهم كلمة ان شاء الله دول اشقى اووى يبقى هاين عليها تضربه ..

طوول النهار بتصرخ وتفضل تدعى على نفسها ان ربنا ياخدها وما بتفكرش غير لو ربنا اخدها ممين هيربى اولاده ..

طوول الوقت بتقوول منكو لله يا ظلمه ومن جواها بتقوول بعد الشر 

ربنا ما يورنى فيهم حاجه وحشه ابداا..

بأختصار البنت بعد الجواز بتتحول لكائن تانى مختلف تماما عن الى كانت فيه قبل الجواز وبتبقى على كل لوون يا يطستا ..

كلنا متحولوون كلنا مكس كل حاجه والعكس بس الحاجه الوحيده 

الى عمرها ما بتتحول او بتتغير فينا اننا بنحب بيوتنا وأولادنا اكتر ما بنحب نفسنا ....

Roaa

دايما لما تحصل مشكله بين الزوجين وطرف تالت بيتدخل
يكون الكلام والنصح فيه موجه للمرأه حتى لو الزوج غلطان
او حتى بيخونها بيكون الكلام والوم والعتاب موجه للست
شوفى انتى مزعلاه فى ايه شوفى يمكن اهملتى فى
نفسك شوفى يمكن نفسه فى حاجه انتى ما بتعمليهاش
شوفى بيتك يمكن مش متروق ومتهيق لحضرت جلاله
السلطان المعظم ...شوفى دورى ركزى فكرى !!!!!

ولازم الغلط فى الاخر يكون منها ولازم يتوجد مبررات للزوج
انه يغلط ويخون ويهين مراته ,,,تبا لكم اغبياء اتفرقون فى
ما سواى الله فيه ... حكم السرقه فى الدين واحد
حكم الزنا فى الدين واحد للرجل والمرأه

رسولنا الكريم (صلى الله عليه وسلم ) قال: عفو تعف نسائكم

وانتو بتبررو لرجل كل خطاء وتجيبو اللوم على المرأه
للأسف حتى فى اكبر الاخطاء .. بتحوللى خطاء الرجل ليعلق
على شماعة المرأه ... للأسف
لدرجة أن معظم النساء بتكره كونها خلقت امرأه لما تلاقيه من
استهانه بحقها وتعظيم من حق الرجل
تبا لمجتمع جعل المرأه تتمنى ان لو ولدت ذكراا.....

Roaa

الزوج هو رب البيت يعنى القائد يعنى الرئيس الى ربنا ايداله القوامه على المرأه

انما مش معنى انك قائد او انك انتى الى بتشتغل وبتجيب الفلوس
يبقى انا ما ليش لزمه فى البيت نوووووووووووووووووووووو يا مى دير
انا القائم بأعمال رئيس البيت وحضرتك مش موجود

ووزير الماليه والاقتصاد فى البيت

ورئيسة القوى العامله فى البيت
والشعب الكادح الى طلعان عينه فى نفس الوقت

ووزيرة الخدمه الاجتماعيه بما انى حلالة المشاكل الى بتحصل بنا وبين كل الاطراف الاخرى الى هما الاهل

وزيرة الاعلام وده لترفيهى عنكم بخفة دمى المتناهيه اللا معقوله وكمان انوثتى الطاغيه

ومسئوليه السياحه
ايه هتنكر مش مره شعرى اصفر اجنبيه ومره رابطة دماغى من بولاق الدكرور وطبعا

و زيرة والتخطيط لانى طول الوقت بخطط لمستقبلنا
وخططت للمصايف ايه هتنكر

وطبعا وزيرة التموين مش انا الى بأكلكم وبشترى الاكل واطبخه ولا حضرتك شايف حاجه تانيه (اى كلمه هجووعكم اسبوع )

وطبعا وزيرة الشباب لانى انا هفضل شباب على طول وانت الى هتعجز لانى عمرى ما هعدى ال25

واخيراا وليس اخيرا انا رئيسة الوزراء لانى ببساطه انا ماما والكل فى الكل والولاء الأول والأخير لماما طبعا

شوفت يا ريس انت ليك الرياسه طبعا ...انما انا ليا كل حاجه
لينا ولا مالناش يا بنات D:D"

Roaa

انا عسوله واموره يعنى الحنيه المداديه فظيعه
كل الناس بتقول عليا كده من الاخر سوو كيوت
بس ما بحبش اتكلم عن نفسى كتير

المشكله فى ايه انك تاخد حد زى حالاتى علاقته بالأشغال
الشقه المؤبده زى علاقة الرقاصه بعلم النحو
وتخاليها تبقى عالمه فيها (( عالمه مش عااااااااالمه ))

وتجيبرها تكنس وتمسح وتغير بامبز وتنضف وتغسل موواعين
وتطبخ لأ وكمان تبقى استاذه فى المطبخ

طب كنت ميز بين القطه الى سو كييوت زى حالاتى
واللى بتشتغل فى الفاعل هى دى الى تقدر تستحمل
البهدله الى بتحصل فيا

ارحمو من فى الارض يرحمكم من فى السماء

ينفع تاخد بسكوته وتخليها بعد كده فتة كوارع

حرااام يا ناس ارحمو عزيز قوم ,,, اتجوز D:D:

Roaa

أخطاء وعثرات لا تنساها المرأة

عزيزي الرجل.. هناك عدة أمور تزعج المرأة وخصوصا الزوجة، وهناك أمور قد تجرحها وتترك بصمات من الغضب على مشاعرها تجاهك فعليك الحذر منها وتفاديها. 

- انتقاد عائلتها وخصوصا والدتها، وذلك لأن هذا الأمر يجرحها جدا ولا يمكن أن تتغاضى عنه المرأة بسهولة، فالوالدان هما رمز مقدس في حياة كل إنسان.

- العودة في قرار خاص بكما إلى والدتك لتأخذ منها رأيها وتفرضه على زوجتك، فمهما بلغ احترامك وحبك لوالدتك، إلا أن قرارات العائلة الخاصة هي من حقك وزوجتك فقط.

- انتقاد مظهرها أمام الآخرين حتى المقربين منكما، وخصوصا إذا تعلق الأمر بالوزن الزائد، فهذا يجرح مشاعرها ومن الصعب أن تنسى مثل هذا النقد.

- أن تقول لها كم كانت جميلة في السابق أما الآن فلا.

- أن تقارنها بأخريات من النساء وتكون المقارنة لصالحهن.

- أن تقلل من رأيها أمام أحد ما، أو توجه اللوم الجارح لها أثناء النقاشات وعندما تبدي رأيها الذي ربما يختلف عن رأيك.

- أن تتجاهلها عندما تتكلم معك وتعطي كل انتباهك للتلفاز أو الجريدة.

- أن تنسى أنها بجانبك في الدعوات العامة، وتهتم بنفسك فقط.

- أن تتجاهل الإطراء على مظهرها عندما تغير قصة شعرها أو عندما ترتدي شيئا مختلفا وجديدا من أجلك. 

كم تتشابه البديات مع النهايات

امبارح الصبح دخلت بنتى الصغيره بتسألنى ماما انتى ليه مش عايشه مع بابكى ومامتك زى ما انا عايشه مع بابى ومامتى ؟؟
وليه جدو موافق انك تعيشى بعيد عنه هو وتيته؟؟؟ وليه انتى مش بتوافقى انى اعيش بعيد عنك ولا بترضى انى انام بعيد عنك ؟؟؟

بنتى فضلت تسألنى اسئله كتير من النوع ده وازى انا خلفتها وهى ازاى كانت بيبى بتشال على الايد ودلوقتى كبرت وبقى
عنها 6 سنين
المهم انى سرحت بالزمن لورا مده مش طويله افتكرت نفسى امبارح وانا وافقه بسأل مامتى نفس الأسئله . وكان عندى نفس الاستفسارات !!!
سبحان الله الزمن قد ايه بيجرى انا امبارح كنت البنت الصغيره الى بتسأل ودلوقتى أنا الى بتسأل وانا الى بلعب دور الأم الى امى
لعبته قبل منى وبنتى هتلعبه بعد منى
الصبح بنت صغيره بتسأل ونفسها تعرف وبليل شابه بحب وبتفرح وفى اخر اليوم أم بتجاوب على اسئلة بنتها
وبعدين جده بتضحك على لعب احفدها ,,وبعدين مرحومه بيقرولها الفاتحه ....وهى دى الدنيا
ويبخت من دخل فيها زى ما خرج منها وهو منقى من الذنوب ,,يا رب لا تقبضنا الا وقد طهرتنا من ذنوبنا كما خلقتنا طاهرين